Ngoko Blaka

Ing sisih lor Lamongan saben seminggu sawise riyaya fitri ana Kupatan yaiku riyaya kupat jare wong Paciran, Sendang, Tunggul. Kupatan iki biyasane akeh kupat sing digawe cawisan panganan saben omah ning tlatah pantura. Kupat sing digawe bahane saka pupus blarak cematan utawa godhong rontal saka wit ental. Beda karo kupat sing ning kutha merga ing kutha sing digawe kupat saka pupus klapa.  Esuk iki Setu 28/3/26, Bupati Lamongan Mbuka pahargyan kupatan sing diadani ana ing Desa Tunggul Kapanewon Paciran. Ing adicara iki uka disediani gunungan kupat sing dadi royokan warga pantura Lamongan. Uga ana lelumban menu kupat lan rerenggan prau.  Jane tradhisi kupatan iki wis suwe nanging dadi pahargyan resmi ya mburi mburi iki merga disengkuyung Kundha Kabudhayan lan Pariwisata.  Ana sambutane mau Bupati Lamongan Yuhronur Efendi dedungo muga muga gunungan kupat iki isa dadi tandha syukur warga pantura Lamongan lan para among tani lan miyangan tan...

Veda Ega Pratama nggawe kaget jagading balapan pit motor Moto3 merga finish ana urutan telu. Iki dadi podium kawitan kanggo Veda uga kanggo Indonesia. Balapan sing diadani ana sirkuit Ayrton Senna Brazil iki nganti nggawe bungahe atine pandemen balapan Moto GP merga jeneng Indonesia asring disebut komentatore balapan. Veda kaya ora duwe jirih nrobos pembalab saka Eropa lan Amerika. Manuvere kayakaya wis pengalaman banget. Kendel tapi duwe peritungan manteb jare pengamat. Sing gumun maneh nalika munggah podium Veda ora melu pista omben malah ketok ngombe minuman soda biyasa. Iki muga muga dadi dalan liyane termasuk Mario Aji sing uga oleh poin ana Moto2 taun iki. Bravo pembalap Indonesia. Weuusssssssh.....

Dina iki mau Selasa 3/2/26 Arpusda kaya ketiban ndaru merga Depo Arsipe didolani dening Bupati Lamongan, Yuhronur Efendi. Depo Arsip sing saiki wayah udan ngene iki mesthi ndadekna Bupati Lamongan kepikiran. Piye ora kepikiran wong Lamongan iku gampang kebanjiran. Mulakna sore iki mau panjenengane teka nang depo arsip sing mapan ana ngarepe GOR Lamongan saperlu niliki yen arsipe isih aman kabeh. Ora mung iku, sakdurunge nang depo jajaran pejabat Arpusda ngadhep nang ruang kerja bupati saperlu nglaporake indeks minat baca lan saweneh kagiyatan perpustakaan sing arep ditindakake mene yen wayah pekan literasi.  Tibake ya jumbuh karo kekarepane bupati yen perpus kudu aktif majukna minat baca lan uga menehi kaweruh yen maca buku iku akeh mumpangate.  Sabubare wawan rembug karo Kepala Dinas Arpusda tibake, Yuhronur Efendi krenteg pengin weruh kahanane depo arsip apa isih layak apa perlu ditingkatake maneh. Miturut pamawase arsiparis kudune lantain...

Arsip iku barang penting sing kudu diramut kanthi setiti. Ora oleh grusa-grusu nalikane wiwit digawe nganti tekane arsip mau arep dimusnahna. Iku kabeh merga Arsip ngandhut kawruh sing usa mbuktikake kagiyatane organisasi. Tanggal 26 Februari 2026 dina Kemis wingi Kundha Perumahan lan Kawasan Permukiman Kabupaten Lamongan ngadani pamusnahan arsip. Kagiyatan iki wis diwiwiti udakara rong sasi kapungkur wiwit milahi arsip sing wis entek retensine utawa wektu masa simpene miturut Jadwal Retensi Arsip (JRA). Sabanjuri dipithati banjur digawekna daftar sing isine arsip usul musnah. Daftar iki ditintingi dening panitia kang mbiji arsip apa bener wis jumbuh karo JRA mau. Sakbubare panitia penilai iki mututusna yen arsip wis pantes utawa wayahe musnah banjur jaluk ijin marang Bupati. Yen kabeh urutan mau wis dilakoni banjur pamusnahan isa katindakake.  Iku njlimete babagan pamusnahan arsip. Kok nganti renik kaya ngono iku kabeh nggo njagani aja nganti mengko malah kelangan bukt...

Saiki warga Lamongan sisih lor wis sarwa kober lelungan. Ana urusan ning kutha kabupaten wis ora wegah merga saiki ana angkutan rupa bis sing disediakna Dinas Perhubungan Prov Jatim sing arane Bis Trans Jatim. Tarip bis sing murah 5000 rupiah kanggo umum lan 2500 kanggo pelajar lan mahasiswa. Adoh cedhak padha wae taripe wiwit terminal ASDP Paciran nganti tekan Terminal Lamongan. Merga murah iku mau, yen wayah akhir minggon ya rame, penumpang direwangi uyel-uyelan nganti ngadeg merga ora koman lungguhan. Jarene wong-wong iku mau, masiya ngadeg biyasane ya ora suwe merga mesthi ana sing mudun ana halte ngarepe. Aku dhewe ya tau ngalami ngadeg, pancen ya ora suwi mesthi oleh lungguh merga saka terminal lamongan mengko ing Sukodadi wis rada longgar. Arang kadhang kok bis Trans Jatim full wiwit Lamongan nganti Paciran ora ana sing mudhun blass. Pancen kudhu sabar saithik, mesthi mengko ana sing mudhun. Ngadeg sedela ya ora apa apa karo glantungan ana njero bis. Tapi...

Tanggal 9 Februari dipengeti ngadeke insan Pers Nasional. Pers minangga pilar kaping papat negara sing dadi pamawase kahanan.  Wis wiwit jaman biyen warga negara dhewe iki ana sing gilut ing dunyane pawartan. Salah sijine ya Sosro Kartono kakange Kartini sing wis dadi reporter kanggo kantor berita manca. Nalika iku piyambake dadi reporter Perang Dunia kasiji.  Uga zaman kolonial ana pawongan sing wis baut nulis warta ing layang kabar yaiku Tirto Adisuryo. Dina Pers Nasional iki katetepake dening presiden Suharto tahun 1985 kanggo mengeti adege Persatuan Wartawan Indonesia Tanggal 9 Februari taun 1946. Tema pengetan Dina Pers Nasional taun iki yaiku Pers Sehat, ekonomi berdaulat, lan Bangsa Kuat. Pancen yen pers sehat tegese ora ana cidra lan ancaman bebaya nalika nindakake pakaryan bisa dadi srana andum info marang sapadha-padha.  Mula yen wis ngene tamtu kabeh kabuka wawasane srana andharan saka warta kang kawaca. Kabeh ngerti kabutuhan info kanggo nyengkuyun...

Akehe bocah enem saka pawiyatan luhur UIN Surabaya lagi baut magang ing Dinas Kearsipan lan Perpustakaan Daerah  Kabupaten Lamongan. Mahasiswa iku mau saka maneka warna jurusan, ana jurusan sejarah, lan bahasa. Kagiyatan iki suwene patang ulan wiwit ulan Pebruari taun 2026. Bocah lanang papat lan wadon loro iki pancen ngalaksanake magang merga saiki ing pawiyatan luhur ngewajibna yen wayah preinan ngene iki kudu magang ben ngerti kahanane kasunyatan kerja. Ing Arpusda kabeh mahasiswa iki diwenehi kaweruhan babagan ngolah arsip piye supaya dadi informasi sing duweni kagunaan marang wong akeh. Sawijining pakaryan sing diayahi yaiku nata foto, merinci lan nulis deskripsi. Foto sing wis dideskripsi mau banjir dialihmediaake dadi file digital lan disimpen ana komputer. Sakbanjure file digital mau diunggah ana website ing pranala jikn.go.id. Sakliyane iku para mahasiswa mau ya diwenehi pangerten jinising barang apa wae sing kalebu arsip merga ora kabeh dokumen isa dianggep ar...

Wong jawa padatan nglakoni tradhisi ruwahan sing diadani ing sajerone ulan Ruwah utawa Sya'ban. Tradhisi iki biasane kenthel karo nyekar utawa kirim dunga amrih  eling marang leluhur sing wis seda. ‎ ‎Awan bar bedug luhur Setu 31 Januari 2026 Ing Desa Sendang Duwur Kecamatan Paciran Kabupaten Lamongan ngadani pahargyan Ruwahan iki. Disengkuyung dening para kanoman lan sedaya wargane ruwahan iki ya dijangkepi karo pawai budhaya lan liya-liyane. ‎ ‎Adicara arak arakan budhaya kang ngandut tema sejarah islam  iki diadani ana halaman masjid Agung Sendang Duwur sing panggone ora adoh karo pesarean Sunan Sendang Duwur. Peserta arak-arakan iki kabeh RT sing ana Desa Sendang Duwur. ‎ ‎Ing panggung utama ana hiburan musik religi  saka Jedor Ronojoyo Sendang Duwur sing ndadekna adicara nambah regeng lan gayeng. ‎ ‎Desa sing kondhang dadi underaning Batik Lamongan iki pancen kenthel karo tradhisi kabudayan, antarane ana...

Esuk mau Kemis tanggal 29 Januari 2026 ana ing lantai telu  ruang  sapatemon Kudha Perpustakaan lan Kearsipan Provinsi Jatim diadani pangukuhan pangurus Asosiasi Arsiparis Indonesia Wilayah Jawa Timur. Pejabat pusat ora sing ngukuhna ora liya yaiku Ketua Umum PN AAI, Andi Kasman. Adicara sing diayahi dening Tino Josetha sing dadi pranatacarane, katon regeng lan hikmat. Rasa hikmat krasa nalika Andi Kasman macakake Ikrar Arsiparis sing ditirokake kabeh pengurus anyar sing baris ana ngarep. Sing dadi ketua AAI periode 2025-2028 yaiku Fery Tri Mudah, Arsiparis Muda saka Dispusip Jatim. Piyambake iki arsiparis teladan Nasional taun 2019 kepungkur. "AAI sokemben kudu luwih sigap golek peluang ben arsiparis bisa mandiri lan ora kalah karo profesi liyane," kandhane marang penulis. Jumbuh karo pamawase Fery mau, ketua AAI sakdurunge, Tidor Arif, uga kandha yen arsiparis iku sing njaga kedhaulatane negara merga njaga dokumen legal sing bisa dadi buk...

Ngomong ngoko iku kerep digunakna marang sapadha-padha sing wis akrab nemeni utawa wong saumuran. Kudune ya aja diselaki basa ngoko iku kareben ora ilang lan keliwar sajeroni rembugane wong jawa. Senajan ora nganggo basa krama, nanging yen nggunakna basa jawa ngono sitik akeh mengko duwe rumangsa. "Kok aku ngoko karo wong iki," biasane nik atine para maos mesthi krenteg omongan ngono kuwi. Iku merga basa jawa ngandhut rasa. Yen wis ngono tembene mesthi bakal gesaon golek tembung krama. Sitik sitik mengko mesthi lancar yen wis akeh tembung kramane sing diweruhi. Ya, ayo kulina ngoko ning omah. Aja sok nganggo basa nasional merga basa nasional mesti kanggo yen saweneh pawongan ana nggon acara resmi pamerintahan. Ing sekolahan uga nganggo basa nasional apa maneh yen pas lelungan sing dherahe saka macem macem suku ora mung suka jawa.

Saiki wis mlebu tanggal siji taun 2026 mesthine ning ati krasa kaya ana sing dianyari. Ning endi endi, mabengi, akeh sing ngrayakna ganti taun, kelawan ngadani acara rena -rena. Ana sing nyanyi, diskusi, lan mung jagongan sakkancane. Kudune, kabeh ya mesthi duweni kekarepan apa sing mengko bakal diwujudake ana taun 2026. Nanging, prayogane ya ngeling-ngeling apa ae sing durung kalaksanan kanti purna ana taun wingi. Aja nganti merga nuruti kekarepan anyar malah penggaweyan sing durung tuntas dadi klendran ora ngalor ora ngidul. Ngawekani kahanan sing saiki rada angel lan akeh owah-owahan ati aja kemrungsung nanging kudu waspada apa wae sing kudu disiapna ngadepi sing kaya ngene iki. Dhuwit saya angel dicekel, ekonomi ora isa dipastekna tur kadang ya akeh aturan anyar sing sok marahi gugup nglakoni. Nginiki yen ora diadepi karo sabar lan luwes isa-isa awak dewe malah kebulet kahanan. Saiki sithik-sithik dicubriya karo pamerintah yen masarakat duwe krenteg sing seje karo kebij...

Pirang-pirang pelukis sing kagabung ing  Komunitas Pelukis Lamongan (Kospela) ngadani Pameran lukisan knthi tema  “ Ekologis Lamongan Megilan”. Pameran sing manggon ana Gedhung Korpri Lamongan iki uga ngundang pelukis saka njaba Lamongan sing antarane, I Ketut Gede Susila Widiastra saka Bali, Harun Saka Malang, Supriyanto saka Sidoarja,  Totok Koi saka Semarang, Muchlis Zahidy Tuban, Oches Sumatri saka Madura lan Joko Priono Jombang.  Pameran sing diadani wiwit tanggal 21 nganti tekan tanggal 27 januari 2026 iki  uga diisi adicara liya-liyane yaiku, lelumban lukis tingkat SD-SMP,Sarasehan lan nglukis on the spot , lan diskusi ngenani Senirupa Ekologis Lamongan.  Salah siji pelukis sing duwe ciri khas nganggo teknik drawing utawa gambar poltlot, Kris Dologh, majang gambare sing nrenyuhake ati  kanthi gambar alas sing gundul kebak oyot wit sing ketugel lan pang-pang pating gletak kaya wis ora ana panguripan maneh. Sing marahi seneng, Salah si...

Maca antologi geguritan anggitane Mas Gampang Prawoto krasa kaya ngrungokna wong nyemoni liyan. Sakanane kahanan dadi isine gurit kang rinakit kanthi tembung-tembung sing krasa nylekit ing batose pamaose. .... nyawang dhuwur..ngranggeh dhuwur... ngranggeh dhuwur...nyawang dhuwur... ati ati lamun tiba aja nyalahke andha (Tiba Nyalahke Andha, hal 27) Ana baris gurit tiba nyalahke andha pamaos ngrasakake kaya dilulu karo narator sajerone gurit. Kanggo wong jawa salah sing dibalekake marang wong sing salah krasa kaya dene gaman sing dienggo ngiris awake dhewe. Pasemon sing ngene iki kerep dilakoni wong kang wasis ngadhepi kahanan. Mabur Saka Swarga, ngamot satus nemlikur gurit maneka warna temane. Nanging kabeh gurit sing ana buku iki yen dithinthingi kanthi premati, kasil saka pamawase Gampang marang saindhenging kahanan wiwit saka esuk nganti tekan wengi lan wiwit saka sawah nganti pawone ngomah. Kadhang kala, Gampang yen gawe Geguritan dadi  tanggapan teks kang medharake...

Basa jawa yen diunikna akeh sing ora padha karo tulisan aksarane. Ana aksara sing nalika diunikna unine seje utawa bedha karo aksara tulise. Tuladhane swara 'i' sing ditulis ana tembung Pitik. Aksara 'i' sing mburi dunikna kaya swara 'e'. Iki sing diarani swara miring. Piye sing diarani 'i' jejeg? Tuladhane kaya swara 'i' sing katulis ana tembung 'Mili'. Sakbenere babagan swara jejeg lan miring iki  mung wong jawa sing bisa ngrasakna merga sakbindinane ngomong jawa. Kanggo sing ora wong jawa radak kangelan merga ora kulina krungu basa jawa. Wong sing ora bendina krungu basa jawa tuladhane wong Sunda mesthi kangelan ngunikna tembuk Pitik kaya dene wong jawa ngunekna tembung kuwi. Ing basa jawa pancen rada angel tata tulise. Lha wong jawa dhewe kdhang kala isih akeh sing kleru. Pitik asring katulis PITEK, ning sejatine kuwi kleru. Apa ya asring katulis opo, padalan OPO kuwi kleru tata tulise merga yen diunikna aksara 'O' kaya muni O...

Biyen nalikane aku isih cilik asring ana tanggapan kentrung ing desaku. Wujude seni kentrung kuwi mung si dhalang kentrung nyritakake crita jaman kawuri, Biyasane ing desaku Paciran, lamongan Jawa Timur sing dicritakna yaiku lakon sunan utawa walisongo yen ora ngono ya nyritakna sesepuh desa. Alat musike sing digawe ngiringi kentrung biyasane rupa kendang utawa terbang, kendhang sing ana icik-icike. Sajerone nyritakna mau kendhang ditabuh kanthi irama sing runtut padha karo critane. Yen critane radak seru nabuhi ya melu nganclak. Jenenge wae seje desa mawa crita, Seni kentrung ya bedha carane lan isine crita. Wulan wingi aku nggelok tanggapan ing halaman Griya Ndalem Sunan Drajat, kentrung saka Nglegok Blitar, critane crita panji sing dicritaake yaiku Dewi Sekardadu lan Panji Asmarabangun. Crita panji rumaket ing sisih kidul Jawa, Blitar, kediri lan sakiringe. Mula kentrung Mbah sari krasa luwes nyritaake crita mau. Beda maneh yen kentrung Lamongan critane ora adoh saka c...

Aku yen nulis iki rog rog asem jare wong jawa. Kadhang ya nyrempeng kadhang yo mbeler. Yen lagi nyrempeng sakanane kahanan bisa dadi gurit, kadhang ya cerkak, kadhang ya esai jawa. tapi yen lagi mbeler maca wae wegahe poll. Tapi yen mbeler, senajan wegah macaku tak peksa gayeng. carane, golek buku koleksiku sing nyenengna. Dhasarane bukuku akeh ya aku bisa milah milih sing takanggep nyenengke. Biyasane aku maca buku biografi utawa puisi sing taksenengi takbaleni maneh. Biyasane sing takwaca, gurit karo puisi koleksi saka macem macem antologi sing wis nguncara. Bar ngono taktintingi baka siji bedhane sing iki karo sing kae. Banjur maca gancaran utawa prosa yen cerkak tak waca ngarep karo mburine. Kok rada aneh, tak waca jangkep wutuh.  Yen novel tak buka asal angger wae, utamane pas buka tiba dialog-dialog, yen dialoge rada mranani tak waca narasi sakdurunge dialog lan sakwise dialog. Yen isih mranani tak waca jangkep wutuh seminggu entek biyasane.  Sakbubare kabeh ...

Dunyane sastra jawa saiki tansah ngrembaka. Akeh kempalan utawa komunitas sastra jawa sing lagi gumregah. Ana ing medhia sosial saiki akeh ketok grup grup sastra jawa. Iki mratandani yen sastra jawa isih ana. Mburi-mburi iki ing ulan Oktober komunitas Sastra Jawa Triwida ngadani sayembara sastra jawa sing pesertae ya ora saithik. Jumbuh karo sing biyasa dilakoni saben taun saka jawa kulon yaiku Yayasan Rancage ya menehi pangalembana marang para sastrawan jawa.  Ana maneh sing ora bisa dilirwakake yaiku kalawarti basa jawa sing tansah setya nampa seratan saka para kadhang sutresna sastra jawa. Majalah Panyebar semangat, Djaka lodhang, lan Jaya Baya uga dadi ajang adu keprigelan para sutresna sastra jawa ing babagan tulis tinulis. Sakliyane telu majalah mau uga ana majalah-majalah sing diadani karo dinas dinas kabudhayaan ing Jawa Timur, Jawa Tengah lan Yogyakarta.  Gunggunge maneh ana kalawarti basa jawa sing modhele kaya majalah Horison. Majalah sing nengenake isin...

  Basa Jawa taksih pigunaaken ing sindenging bebrayan nganthi tekan seprene. khususipun wonten ing tlatah Jawa wetan, Jawa Tengah, lan Ngayogyakarta.   Iki amarga panggunae sing ana telong laladan mau   tansah satya migunaake basa jawa dados pengantar resmi senajan jejeran karo basa Indonesia. Negesi asiling Kongres Bahasa Jawa (KBJ) VII sing diadani tanggal 28-30 November kala wingi, miturut, Prof. Dr. George Quinn saka Australia National University (ANU), Basa Jawa bisa mati yen kabeh pawongan sing sakbendinane nggawe basa jawa ana sesrawungan   malah asring migunaake Basa Indonesia.   Iki nyebabake wong manca wis rumangsa ora perlu nyinauni Basa Jawa maneh merga wis cukup sinau Basa Indonesia bisa dienggo komunikasi ana negara Indonesia merga kabeh wong jawa bisa nggunaake Basa Indonesia. Apa sing dikandhaake George Quin mau isa dadi pepeling kita sedaya, yen kita duwe pangajab saged nglindhungi, ngembangna, lan mbina Basa Jawa kudune basa jawa aja nganth...

Aku rada penasaran kenek apa gula abang saka Cematan utawa wit ental iku diarani gula jawa. Pancen nang ndesaku gula abang iku nyebute ya gula jawa. Jare Mat Klobot, sing tau dolan nang Bawean tibake ning kana ya ana gula abang. Tapi wong kana ning ngarani ora gula jawa. Aku kok njur mikir dhewe kenek apa kok ning kene ya ning jawa iki gula iku mau sinebut gula jawa. Apa merga wernane kaya werna kulite wong jawa. Karuwan sing gula pasir diarani ngono merga wujude kaya wedhi utawa pasir. Maneh, gula pasir ya digawe teka tebu sing ditandhur ana ing jawa. Tur ya pabrike ya ana ing tlatah jawa nanging kenek apa kok ora diarani gula jawa.  Apa merga gula jawa iku digawe kanti cara tradhisional dadi diarani gula jawa. Jawa lak asring dianggep ndesa lan ora modhern dadine gula abang saka wit ental kuwi mau diarani gula jawa.  Kadhangkala aku ya duwe angen-angen lho Koes Plus kok hya nyebut gula jawa ana syair lagune. Apa pamaos ora kelingan tembang iki, Gula jawa rasane l...

Senajan urip iku mung ngena ngene  jare sing nglakoni, nanging jare sing nyawang uripmu  iku kebak beja, penak, lan prasaja. Ngandel apa ora? Urip pancen mung sawang-sinawang. Kanggo sing nglakoni, uripe kaya dirasakna ora kepenak lan sarwa kurang. Sejatine, yen wong urip iku eling, wong liya akeh sing kepingin uripe kaya dheweke. Kaya kaya, ning pamawase wong liya uripe dhewe iki kebak beja. Mula, sing apik iku ngakehna sukur marang gusti. Sakbenere rahmat sing kita sedaya tampa iki wis luwih luwih nanging napsu sing kemrungsung marakake lali ning ati. Wis sehat lan sarwa cukup, ndadak nggladrah pingin rena-rena. Ati sing kemrungsung iku pancen sering nyasarake pawongan sing atine ngrasa saya kakurangan. Apa sing wis didiweni kaya ora ana ajine. Melik karo tangga teparo sing asline ora cocog karo uripe.  Ati sing sirik, rusuh lan meri karo liyane kaya ngombe banyu segara. Ora ilang ngoronge malah tambah ngaru ara. Ayo ngakehna sukur marang gusti nen urip pras...