Musnahna Arsip Ora Oleh Sakkepenake

Arsip iku barang penting sing kudu diramut kanthi setiti. Ora oleh grusa-grusu nalikane wiwit digawe nganti tekane arsip mau arep dimusnahna. Iku kabeh merga Arsip ngandhut kawruh sing usa mbuktikake kagiyatane organisasi.

Tanggal 26 Februari 2026 dina Kemis wingi Kundha Perumahan lan Kawasan Permukiman Kabupaten Lamongan ngadani pamusnahan arsip. Kagiyatan iki wis diwiwiti udakara rong sasi kapungkur wiwit milahi arsip sing wis entek retensine utawa wektu masa simpene miturut Jadwal Retensi Arsip (JRA). Sabanjuri dipithati banjur digawekna daftar sing isine arsip usul musnah. Daftar iki ditintingi dening panitia kang mbiji arsip apa bener wis jumbuh karo JRA mau.

Sakbubare panitia penilai iki mututusna yen arsip wis pantes utawa wayahe musnah banjur jaluk ijin marang Bupati. Yen kabeh urutan mau wis dilakoni banjur pamusnahan isa katindakake. 

Iku njlimete babagan pamusnahan arsip. Kok nganti renik kaya ngono iku kabeh nggo njagani aja nganti mengko malah kelangan bukti penting. Arsip iku lak bukti sing paling obyektif ta, mula kudu waspada aja sembrana nalika arep dimusnahna. 

Pemusnahane uga kudu nganggo berita acara kaya dene musnahake aset negara. Lha nik wis ngene iki apa isih wani awur-awuran mbuwak arsip? 

Dene kundha sing melu jejibahan dadi seksine acara iki yaiku Inspektorat, Bagian Hukum, Dinas Arsip lan Perpustakkan lan sing duwe arsipe iku dhewe. Miturut kepala Kundha Perkim, Fahrudin, pamusnahan iki ancase ben ruangan arsip keton wiyar lan ora pating klumbruk dokumene. "Dokumen yen ora ditata kanti tertib malah nyusahna anggone mutusake saweneh tugas fungsi organisasi," mengkono kandhane.