Ngawiti Taun 2026

-
Saiki wis mlebu tanggal siji taun 2026 mesthine ning ati krasa kaya ana sing dianyari. Ning endi endi, mabengi, akeh sing ngrayakna ganti taun, kelawan ngadani acara rena -rena. Ana sing nyanyi, diskusi, lan mung jagongan sakkancane.

Kudune, kabeh ya mesthi duweni kekarepan apa sing mengko bakal diwujudake ana taun 2026. Nanging, prayogane ya ngeling-ngeling apa ae sing durung kalaksanan kanti purna ana taun wingi. Aja nganti merga nuruti kekarepan anyar malah penggaweyan sing durung tuntas dadi klendran ora ngalor ora ngidul.

Ngawekani kahanan sing saiki rada angel lan akeh owah-owahan ati aja kemrungsung nanging kudu waspada apa wae sing kudu disiapna ngadepi sing kaya ngene iki. Dhuwit saya angel dicekel, ekonomi ora isa dipastekna tur kadang ya akeh aturan anyar sing sok marahi gugup nglakoni. Nginiki yen ora diadepi karo sabar lan luwes isa-isa awak dewe malah kebulet kahanan.

Saiki sithik-sithik dicubriya karo pamerintah yen masarakat duwe krenteg sing seje karo kebijakan pamerintah. Padal sing ngono kuwi ya ora mesthi nggembosi pamerintah, ning keneng apa kok saiki pamerintah kaya gedhe rasa uwase. Ngene iki njur kelingan nalika jaman orde baru wae.

Ana maneh sing perlu diwigati sajerone taun 2026 yaiku owah gingsire iklim lan cuaca sing ora pasti. Saliyane uga merga bumine sing wis owah kahanan iki ya merga solah bawane menungsa sing lali ngramut lingkungane. Alas padha susut malih dadi kebon. Wit-witan gedhe akeh sing ilang sing tembene ndadekna banjir bandhang lan lemah jugrug kaya kedaden kacilakan ing Aceh lan Sumatera sisih Lor.

Mugi-mugi apa alangan lan apes sing ana ing taun 2025 ora kedaden maneh ana ing taun 2026 iki. Kabeh lak hya kudu urip prasojo ta? Ayo pada mikir lan ngakehna sesrawungan ben Indonesia tetep nyawiji lan kuwat ngadepi pacoban. 


Komentar

Posting Komentar

Postingan populer dari blog ini

Ruwahan Lan Peresmian Galeri Sunan Sendang

-
Gambar
Wong jawa padatan nglakoni tradhisi ruwahan sing diadani ing sajerone ulan Ruwah utawa Sya'ban. Tradhisi iki biasane kenthel karo nyekar utawa kirim dunga amrih  eling marang leluhur sing wis seda. ‎ ‎Awan bar bedug luhur Setu 31 Januari 2026 Ing Desa Sendang Duwur Kecamatan Paciran Kabupaten Lamongan ngadani pahargyan Ruwahan iki. Disengkuyung dening para kanoman lan sedaya wargane ruwahan iki ya dijangkepi karo pawai budhaya lan liya-liyane. ‎ ‎Adicara arak arakan budhaya kang ngandut tema sejarah islam  iki diadani ana halaman masjid Agung Sendang Duwur sing panggone ora adoh karo pesarean Sunan Sendang Duwur. Peserta arak-arakan iki kabeh RT sing ana Desa Sendang Duwur. ‎ ‎Ing panggung utama ana hiburan musik religi  saka Jedor Ronojoyo Sendang Duwur sing ndadekna adicara nambah regeng lan gayeng. ‎ ‎Desa sing kondhang dadi underaning Batik Lamongan iki pancen kenthel karo tradhisi kabudayan, antarane ana...
Baca selengkapnya

AAI Jatim periode 2025-2028 Dikukuhna

-
Gambar
Esuk mau Kemis tanggal 29 Januari 2026 ana ing lantai telu  ruang  sapatemon Kudha Perpustakaan lan Kearsipan Provinsi Jatim diadani pangukuhan pangurus Asosiasi Arsiparis Indonesia Wilayah Jawa Timur. Pejabat pusat ora sing ngukuhna ora liya yaiku Ketua Umum PN AAI, Andi Kasman. Adicara sing diayahi dening Tino Josetha sing dadi pranatacarane, katon regeng lan hikmat. Rasa hikmat krasa nalika Andi Kasman macakake Ikrar Arsiparis sing ditirokake kabeh pengurus anyar sing baris ana ngarep. Sing dadi ketua AAI periode 2025-2028 yaiku Fery Tri Mudah, Arsiparis Muda saka Dispusip Jatim. Piyambake iki arsiparis teladan Nasional taun 2019 kepungkur. "AAI sokemben kudu luwih sigap golek peluang ben arsiparis bisa mandiri lan ora kalah karo profesi liyane," kandhane marang penulis. Jumbuh karo pamawase Fery mau, ketua AAI sakdurunge, Tidor Arif, uga kandha yen arsiparis iku sing njaga kedhaulatane negara merga njaga dokumen legal sing bisa dadi buk...
Baca selengkapnya

Kospela Ngajak Ngendani Krisis Lingkungan Srana Lukisan

-
Gambar
Pirang-pirang pelukis sing kagabung ing  Komunitas Pelukis Lamongan (Kospela) ngadani Pameran lukisan knthi tema  “ Ekologis Lamongan Megilan”. Pameran sing manggon ana Gedhung Korpri Lamongan iki uga ngundang pelukis saka njaba Lamongan sing antarane, I Ketut Gede Susila Widiastra saka Bali, Harun Saka Malang, Supriyanto saka Sidoarja,  Totok Koi saka Semarang, Muchlis Zahidy Tuban, Oches Sumatri saka Madura lan Joko Priono Jombang.  Pameran sing diadani wiwit tanggal 21 nganti tekan tanggal 27 januari 2026 iki  uga diisi adicara liya-liyane yaiku, lelumban lukis tingkat SD-SMP,Sarasehan lan nglukis on the spot , lan diskusi ngenani Senirupa Ekologis Lamongan.  Salah siji pelukis sing duwe ciri khas nganggo teknik drawing utawa gambar poltlot, Kris Dologh, majang gambare sing nrenyuhake ati  kanthi gambar alas sing gundul kebak oyot wit sing ketugel lan pang-pang pating gletak kaya wis ora ana panguripan maneh. Sing marahi seneng, Salah si...
Baca selengkapnya